തസ്യാനുചരിതം രാജന്നൃഷിഭിസ്തത്ത്വദർശിഭിഃ
ശ്രുതം ഹി വർണിതം ഭൂരി ത്വയാ സീതാപതേർ മുഹുഃ
വിവർത്തനം
അല്ലയോ പരീക്ഷിത്ത് രാജാവേ, രാമചന്ദ്ര ഭഗവാന്റെ അതീന്ദ്രിയ കർമങ്ങൾ സത്യദർശികളായ മഹാമുനിമാരാൽ വർണിക്കപ്പെട്ടിട്ടുണ്ട്. സീതാ പതിയായ രാമചന്ദ്ര ഭഗവാനെക്കുറിച്ച് അങ്ങ് ആവർത്തിച്ചാവർത്തിച്ച് കേട്ടിട്ടുള്ളതിനാൽ അദ്ദേഹത്തിന്റെ കർമങ്ങളെക്കുറിച്ച് ഞാൻ വളരെ സംഗഹിച്ചാണ് പറയാൻ പോകുന്നത്. ദയവായി ശ്രദ്ധിച്ചാലും,
ഭാവാർത്ഥം
ഗവേഷണബിരുദമുളളതു കൊണ്ടു മാത്രം ഉന്നത വിദ്യാഭ്യാസമുള്ളവരാണെന്ന് ഭാവിക്കുന്ന ആധുനിക രാക്ഷസന്മാർ, രാമചന്ദ്രഭഗവാൻ പരമദിവ്യോത്തമപുരുഷനായ ഭഗവാനല്ല, ഒരു സാധാരണ വ്യക്തി മാത്രമായിരുന്നുവെന്ന് തെളിയിക്കാൻ ധാരാളം ശ്രമങ്ങൾ നടത്തിയിട്ടുണ്ട്. പക്ഷേ പാണ്ഡിത്യവും ആത്മീയോന്നതിയുമുള്ളവർ ഒരിക്കലും അത്തരം ആശയങ്ങൾ സ്വീകരിക്കുകയില്ല. അവർ രാമചന്ദ്ര ഭഗവാനെക്കുറിച്ചും അദ്ദേഹത്തിന്റെ കർമങ്ങളെക്കുറിച്ചും, നിരപേക്ഷസത്യത്തെ അറിയുന്ന തത്ത്വദർശികൾ നൽകുന്ന വിവരണങ്ങൾ മാത്രമേ അംഗീകരിക്കുകയുളളു. ഭഗവദ്ഗീത(4.34)യിൽ പരമദിവ്യോത്തമപുരുഷനായ ഭഗവാൻ ഉപദേശിക്കുന്നു:
തദ് വിദ്ധി പ്രണിപാതേന പരിപ്രശ്നേന സേവയാ
ഉപദേക്ഷ്യന്തി തേ ജ്ഞാനം ജ്ഞാനിനസ്തത്ത്വദർശിനഃ
“ഒരാദ്ധ്യാത്മിക ഗുരുവിനെ സമീപിച്ച് സത്യം ഗ്രഹിക്കാൻ ശ്രമിക്കുക. അദ്ദേഹത്തെ സേവിക്കുക, അദ്ദേഹത്തിൽ നിന്ന് വിനയപൂർവ്വം ചോദിച്ചറിയുക, ആത്മസാക്ഷാത്കാരം ലഭിച്ച ഒരാൾ സത്യം കണ്ടറിഞ്ഞിരിക്കുകയാൽ അദ്ദേഹത്തിന് ജ്ഞാനോപദേശം ചെയ്യാൻ കഴിവുണ്ട്. ഒരുവൻ തത്ത്വദർശി, നിരപേക്ഷസത്യത്തെക്കുറിച്ച് സമ്പൂർണ ജ്ഞാനമുളളവൻ അല്ലാത്തപക്ഷം, അവന് പരമദിവ്യോത്തമപുരുഷനായ ഭഗവാന്റെ കർമങ്ങൾ വിവരിക്കാൻ കഴിയില്ല. അതുകൊണ്ട്, രാമായണങ്ങളെന്ന് പറയപ്പെടുന്ന കൃതികൾ, രാമചന്ദ്ര ഭഗവാന്റെ കർമങ്ങളുടെ ചരിത്രങ്ങൾ, ധാരാളമുണ്ടങ്കിലും അവയിൽ പലതും പ്രാമാണികങ്ങളല്ല. ചിലപ്പോൾ രാമചന്ദ്ര ഭഗവാന്റെ കർമങ്ങൾ ഒരുവന്റെ സ്വന്തം ഭാവനയുടെയും, അനുമാനങ്ങളുടെയും, അല്ലെങ്കിൽ ഭൗതിക വൈകാരികതയുടെയും അടിസ്ഥാനത്തിലാണ് വിവരിക്കപ്പെട്ടിട്ടുള്ളത്. പക്ഷേ രാമചന്ദ്ര ഭഗവാന്റെ സ്വഭാവ സവിശേഷതകൾ കേവലം ഭാവനാവിലാസങ്ങളായി കൈകാര്യം ചെയ്തുകൂടാ. രാമചന്ദ്ര ഭഗവാന്റെ ചരിതം വിവരിക്കുമ്പോൾ ശുകദേവ ഗോസ്വാമി പരീക്ഷിത്ത് മഹാരാജാവിനോട് പറഞ്ഞു, “രാമചന്ദ്ര ഭഗവാന്റെ കർമങ്ങളെക്കുറിച്ച് ഭവാൻ നേരത്തെ തന്നെ ശ്രവിച്ചിട്ടുണ്ട്. അതുകൊണ്ട്, അയ്യായിരം വർഷങ്ങൾക്കു മുമ്പുതന്നെ നിരവധി രാമായണങ്ങൾ, അഥവാ, രാമചന്ദ്ര ഭഗവാന്റെ ചരിത്രങ്ങൾ ഉണ്ടായിരുന്നതായി കാണപ്പെടുന്നു, ഇപ്പോഴുമുണ്ട്. എന്നാൽ തത്ത്വദർശികളാൽ (ജ്ഞാനിനസ്തത്ത്വ-ദർശിനഃ) രചിക്കപ്പെട്ട ഗ്രന്ഥങ്ങൾ മാത്രം നാം തിരഞ്ഞെടുക്കണം. പണ്ഡിതന്മാരെന്ന് വിളിക്കപ്പെടുന്ന, ഗവേഷണ ബിരുദത്തിന്റെ അടിസ്ഥാനത്തിൽ മാത്രം അറിവുണ്ടെന്ന് അവകാശപ്പെടുന്നവരുടെ ഗ്രന്ഥങ്ങൾ തിരഞ്ഞെടുക്കരുത്. ശുകദേവ ഗോസ്വാമി നൽകുന്ന മുന്നറിയിപ്പാണിത്. ഋഷിഭിസ്തത്ത്വ-ദർശിഭിഃ- വാൽമീകി മഹർഷിയാൽ രചിക്കപ്പെട്ട രാമായണം ഒരു ബൃഹദ് സാഹിത്യമാണങ്കിലും, അതേ കർമങ്ങൾ ശുകദേവ ഗോസ്വാമി ഇവിടെ ചുരുക്കം ശ്ലോകങ്ങളിൽ വിവരിച്ചിരിക്കുന്നു.
(ശ്രീമദ്‌ ഭാഗവതം /9 /10/3 )
Comments
Post a Comment