മഹാഭക്തനും, മഹാരാജാവ് ഉത്താനപാദന്റെ പുത്രനുമായ രാജകുമാരൻ ധ്രുവൻ അഞ്ച് വയസ്സ് മാത്രം പ്രായമുള്ളപ്പോൾ പിതാവിന്റെ മടിയിലിരിക്കുകയായിരുന്നു. അവന്റെ രണ്ടാനമ്മയ്ക്ക്, രാജാവ് അവനെ മടിയിലിരുത്തി ലാളിക്കുന്നത് ഒട്ടും ഇഷ്ടപ്പെട്ടില്ല. അതിനാൽ അവർ, തന്റെ ഗർഭത്തിൽ ജനിക്കായ്കയാൽ രാജാവിൻ്റെ മടിയിലിരിക്കുവാൻ അവന് അവകാശമില്ലെന്ന് പറഞ്ഞുകൊണ്ട് അവനെ അദ്ദേഹത്തിന്റെ മടിയിൽനിന്നും തള്ളിയിട്ടു. രണ്ടാനമ്മയുടെ ഈ പ്രവൃത്തിയിൽ ബാലന് അപമാനം തോന്നി. സപത്നിയിൽ വളരെയധികം പ്രിയമുണ്ടായിരുന്ന അവന്റെപിതാവുകൂടിയായ രാജാവ് പ്രതിഷേധിച്ചതുമില്ല. ഈ സംഭവത്തിനുശേഷം അപമാനിതനായ രാജകുമാരൻ (ധ്രുവൻ മാതാവിൻ്റെ അടുക്കൽ ചെന്ന് പരാതിപ്പെട്ടു. എന്നാൽ, അവൻ്റെ യഥാർഥ മാതാവിനും ഈ അപമാനത്തിന് എതിരായിയാതൊന്നും തന്നെ ചെയ്യാൻ കഴിയുമായിരുന്നില്ല. അതിനാൽ അവർ കണ്ണീരൊഴുക്കി. തൻ്റെ അപമാനത്തിന് പകരം ചോദിക്കുവാൻ, പിതാവിന്റെ രാജസിംഹാസനം പ്രാപ്‌തമാക്കുവാൻ മാർഗമെന്തെന്ന് ആരാഞ്ഞ രാജകുമാരൻ ധ്രുവനോട്, ഭഗവാനു മാത്രമേ അവനെ സഹായിക്കുവാൻ കഴിയുകയുള്ളൂവെന്ന് രാജി കണ്ണീരോടെ പറഞ്ഞു. അനന്തരം, ഭഗവാനെ എവിടെ കാണാൻ കഴിയുമെന്ന് ബാലൻ അന്വേഷിക്കുകയും, കൊടും വനത്തിൽ ചിലപ്പോഴൊക്കെ മഹാമുനിമാരുടെ മുന്നിൽ ഭഗവാൻ പ്രത്യക്ഷനാകാറുണ്ടെന്നും രാജ്ഞി ഉത്തരമാകി. അങ്ങനെ, ബാലനായ രാജകുമാരൻ, തൻ്റെ ലക്ഷ്യപ്രാപ്‌തിക്കായി, കൊടും തപസ്സുകളനുഷ്ഠിക്കുവാൻ വനത്തിലേക്ക് പോകുവാൻ തീരുമാനിച്ചു.
ധ്രുവ രാജകുമാരൻ, അദ്ദേഹത്തിൻ്റെ ആത്മീയഗുരുവായ ശ്രീ നാരദമുനിയുടെ നിർദേശത്തിൻ കീഴിൽ കഠിനമായ തപസ്സനുഷ്ഠിച്ചു. ശ്രീ നാരദമുനി സവിശേഷമായി, ഈ ഉദ്ദേശ്യത്തിനായി പരമദിവ്യോത്തമപുരുഷനാൽ നിയോഗിക്കപ്പെട്ടിരുന്നു. പതിനെട്ട് അക്ഷരങ്ങളുള്ള ഓം നമോ ഭഗവതേ വാസുദേവായ എന്ന ശ്ലോകമന്ത്രം ഉപദേശിച്ചുകൊണ്ട് ശ്രീ നാരദൻ, ധ്രുവകുമാരന് ദീക്ഷ നൽകി. പരമദിവ്യോത്തമപുരുഷൻ ചതുർബാഹുക്കളോടുകൂടിയ പൃശ്‌നിഗർഭനായി, ഭഗവാൻ വാസുദേവൻ സ്വയം അവതരിക്കുകയും സപ്‌ത നക്ഷത്രങ്ങൾക്കും ഉപരിയായ ഒരു വിശിഷ്ട ഗ്രഹം സമ്മാനിക്കുകയും ചെയ്തു. രാജകുമാരൻ ധ്രുവൻ, അദ്ദേഹത്തിൻ്റെ ഉദ്യമങ്ങളിൽ വിജയം പ്രാപ്‌തമാക്കിയശേഷം, ഭഗവാനെ മുഖാമുഖം ദർശിക്കുകയും, അദ്ദേഹത്തിൻ്റെ സകല ആവശ്യങ്ങളും സഫലീകരിക്കുകയും ചെയ്കയാൽ അദ്ദേഹം സംതൃപ്‌തനായിത്തീരുകയും ചെയ്തു.
ധ്രുവ രാജകുമാരന് സമ്മാനിക്കപ്പെട്ട ലോകം, പരമപുരുഷനായ വാസുദേവന്റെ പരമേച്ഛയാൽ ഭൗതികാന്തരീക്ഷത്തിൽ സ്ഥാപിതമായ സ്ഥിരീകൃതമായൊരു വൈകുണ്o ലോകമാകുന്നു. ഭൗതിക ലോകത്തിനുള്ളിലാണെങ്കിലും, ഈ ലോകം സംഹാരവേളയിൽ ഉന്മൂലനം ചെയ്യപ്പെടുന്നില്ല. ധ്രുവലോകത്തിന് താഴെയുള്ള സപ്‌ത താരകങ്ങളിലെ ദിവ്യപുരുഷന്മാരാൽ മാത്രമല്ല, ധ്രുവലോകത്തിന് ഉപരിയായി സ്ഥിതിചെയ്യുന്ന ലോകങ്ങളിലെ ദിവ്യപുരുഷന്മാരാൽപ്പോലും ധ്രുവലോകം ആരാധിക്കപ്പെടുന്നു. മഹർഷി ഭൃഗുവിന്റെ ലോകം ധ്രുവലോകത്തിന് മുകളിലായി സ്ഥിതിചെയ്യുന്നു.
ആകയാൽ, ഭഗവാൻ്റെ പരിശുദ്ധ ഭക്തനെ തൃപ്‌തിപ്പെടുത്തുന്നതിനായി മാത്രം ഭഗവാൻ സ്വയം പൃശ്‌നിഗർഭനായി അവതരിച്ചു. മറ്റൊരു പരിശുദ്ധ ഭക്തനായ ശ്രീ നാരദമുനിയാൽ ദീക്ഷിതനാക്കപ്പെട്ടശേഷം, നാരദമുനി ഉപദേശിച്ചു നൽകിയ, മുകളിൽ നിർദേശിച്ചിരിക്കുന്ന ശ്ലോകമന്ത്രോച്ചാരണത്തിലൂടെ രാജകുമാരൻ ധ്രുവൻ ഈ പരിപൂർണത പ്രാപ്തമാക്കി. ഏതുവിധേനയും ഭഗവാനെ ദർശിക്കുകയെന്ന ഒരുവൻ്റെ ഗൗരവപൂർണമായ നിശ്ചയദാർഢ്യത്തെ മാർഗമാക്കി, താനേ ആഗതനാകുന്ന പരിശുദ്ധ ഭക്തന്റെ മാർഗനിർദേശത്തിൻ കീഴിൽ, ആത്മാർഥനായൊരു വ്യക്തിക്ക് ഭഗവാനെ മുഖാമുഖം ദർശിക്കുക, അഥവാ ഭഗവദ്സമാഗമം പ്രാപ്ത‌മാക്കുക എന്ന പരമപരിപൂർണത പ്രാപ്‌തമാക്കുവാനും, അപ്രകാരം ആത്യന്തികമായ ലക്ഷ്യത്തിലെത്തിച്ചേരാനും കഴിയും.
ധ്രുവ രാജകുമാരൻ്റെ പ്രവർത്തനങ്ങൾ ശ്രീമദ് ഭാഗവതം നാലാം സ്കന്ധത്തിൽ വിശദമായി വർണിച്ചിരിക്കുന്നു.
(ശ്രീമദ് ഭാഗവതം2/7/8/ഭാവാർത്ഥം)
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ രാമ രാമ ഹരേ ഹരേ
ഹരേ കൃഷ്ണ 🙏
ഇതുപോലെയുള്ള ആത്മീയ വിഷയങ്ങൾ വായിക്കുവാനായി താഴെക്കാണുന്ന ലിങ്ക് പിൻതുടരുക .
ശുദ്ധ ഭക്തി വാട്സ്ആപ്പ് ഗ്രൂപ്പ്
.jpg){kind=small}
Comments
Post a Comment